[center][color:27c1=red][img]
http://xs229.xs.to/xs229/08275/k460.jpg[/img]كان يا مكان يا مزيكاتيه يا كرام
هناك صديقان يمشيان في الصحراء … وفي أثناء سيرهما اختصما …
فصفع أحدهما الآخر … فتألم الصديق لصفعة صديقه …
ولكن لم يتكلم !! بل كتب علىالرمل … " اليوم أعز أصدقائي صفعني على وجهي " ……
وواصلا المسير ووجدا واحة فقررا أن يستحمّا في الماء …
ولكن الذي صفع وتألم من صديقه غرق أثناء السباحة …
فأنقذه صديقه الذي صفعه …
ولما أفاق من الغرق …
نحت على الحجر …" اليوم أعز أصدقائي أنقذ حياتي "
فسأله صديقه … عندما صفعتك كتبت على الرمل ..!!!
لكن عندما أنقذتك من الغرق كتبت على الحجر..!!! فلماذا ؟؟؟
فابتسم وأجابه : [color:27c1=#ff0000]عندما يجرحنا الأحباب علينا أن نكتب ما حدث على الرمل [/color]…
لتمسحها رياح التسامح والغفران … ولكن عندما يعمل الحبيب شيء راااائع علينا أن ننحته على الصخر حتى يبقى في ذاكرة القلب حيث لا رياح تمحوه !!.
القصة دى حتخلينى أسأل سؤال ... إمتى الانسان يسامح ؟! .. هل على حسب الغلطة .. ؟! .. ولا اللى بيسامح مش بيفكر فى الغلطة قد ما بيفكر ازاى ما يخسرش اللى قدامه !! ..
أسهل حاجه انك تجرح حد أو ترتكب فى حقه كل الموبقات وترجع تقوله يا اخى سامح.. ده التسامح من شيم الكرام ويمكن لما تسامحنى معملش كده تاني حرمت
خلاص أخر مرة وكلنا بشر وبنغلط وهكذا إلى أخر هذه السلسلة من طلب العفو .. ومناداة الجانب الانساني فى ضمير كل واحد منا ..لكن حتى فى إستخدامنا
للالفاظ ودالالتها مش عارفين نتعامل بها .. يعنى ايه تسامح ؟! ويعنى ايه القدرة ان واحد يسامح ؟! .. وهل اللى مش بيسامح ده قلبه حجر والجاني يعيش دور
المجنى عليه ويبأه المظلوم هو الجاني لانه معندوش القدرة انه يسامح أو انه رافض انه يسامح .. الانسان من كتر الالم أو من عنف الصدمة ممكن يرفض انه يسامح
ويكون عنده حق .. هنا لا يجب أننا نرفع عليه لافتات قسوة القلب والشعارات دي .. منبأش زى اللى عامل يضرب فى واحد ومن كتر الضرب الراجل صرخ وقال
( ااااااااااااه) فاللى بيضربه قاله (( عييييييييييب ... وطى صوتك شوية )) ..ممكن إننا نسامح ونجبر أنفسنا على التسامح لكن صعب أننا ننسى ...وده برضه أكيد
متوقف على نوع الغلطة .. وأحيانا الانسان ممكن يسامح ناس معينة على فعل معين وميسامحش ناس تانية على نفس الفعل وده بيرجع لتقديره فى أنه مثلا مكنش
متوقع من فلان أنه يعمل كده فتكون صدمته فيه كبيرة وبالتالى يرفض انه يسامحه .. التسامح فى حد ذاته جميل ومن شيم الكرام فعلا .. لكن لابد للإنسان أن يفرق
بين كونه ( متسامح) وبين كونه ( ملطشة ) ...لان هناك نماذج فى الحياة بتوهم نفسها انها بتسامح لكن فى حقيقة الامر هى إستمرأت البهدلة .. أنا شايف إن
التسامح ده حاجه نسبية ملهاش قاعدة ثابتة ممكن نعتمد عليها وراجع للشخص وتقديره للموقف وتقييمة إمته يسامح وإمته يقول إستووووووووب .[/color][/center]
الإثنين سبتمبر 14, 2009 10:00 am من طرف lara croft
موضوع: عندما يجرحنا الأحباب علينا أن نكتب ما حدث على الرمل 
